sábado, 11 de diciembre de 2010

A LO CAMINO VIELLO DE OZA

Viello camino, si fablar podeses
qué contarías tú si, como lanza,
te fundes en lo mon, en que l'alcanzas,
y entre cinglas te tuerces y t'estuerces.

Tú podebas dicirnos, si quereses,
muitas cosas que agora nos afanan:
¿Acamperon, astí, las aguilas romanas...?
¿De los carros sintiés cluxis los exes...?

Ixas fuesas, ¿estieron de franceses...?
¿Alcaso de Roldán sistiés lo cuerno...¡
¿En dó son escondidas ixas gradas...?

Podría Dios darte voz, ¡ y bien lo fese!,
pa dicir si la Boca de l'Infierno
estié lo Roncesvalles de Navarra.

Las losas que tú amuestras, esclavadas,
las gasteron, siguro, chens piadosas
siguindo de Santiago la clamada.

Mayo de 1998
Miquetas de l'alma
poemas de Rosario Ustáriz

No hay comentarios: